Erfaringsbeskrivelse
Prosjektet var organisert med ein prosjekteigar, ei styringsgruppe og ei prosjektgruppe. Prosjektgruppa hadde interne medlemer frå tilsynssida og IKT, og so ein ekstern konsulent med programmeringskompetanse. Prosjektgruppa var leidd av ekstern konsulent.
Mandatet åt prosjektet gjekk ut på å få til ei teknisk løysing for mottak og utveksling av transaksjonsrapportar, informasjonsverksemd andsynes føretaka, koordinering mot nordiske tilsynsstyremakter og EU.
Bruk av konsulentar på timebasis saman med bruk av ein overordna, dynamisk kravspesifikasjon gav naudsynleg fleksibilitet som ein ikkje hadde fått i ein fastpriskontrakt. Det var avgjerande at prosjekteigaren og styringsgruppa godtok dette for at dette prosjektet skulle lukkast.
Måla om implementering av TRS, oppkopling mot verdepapirføretaka og innkjøp av driftsleverandør vart nådde. Vinningsrealisering elles var ikkje med i prosjektmandatet, med di prosjektet vart igangsett som fylgje av eit EU-direktiv.