20. - 22. september 2011 blei årets NOKIOS konferanse gjennomførd på Rica Nidelven i Trondheim i regi av NTNU og Difi. Gjennom føredrag, kurs og temaverkstad vart det utveksla erfaringar innanfor IKT i offentleg verksemd.
Ein av sesjonane på årets NOKIOS konferanse omhandla «Gevinstar ved sterkare IKT-styring». Deltakarane fekk oppleve spennande framstillingar frå avd. dir. Tone Bringedal i Difi, avd. dir. Torbjørn Undeland frå DFØ og Michael Busk Jepsen frå Økonomistyrelsen i Danmark. Fokus for dei alle var korleis me i større grad kan lukkast med å henta ut ynskjelege gevinstar når me investerar i ny teknologi.
Sjå video av sesjonen ved å trykkje på lenka her.
Ei forutsetting for å lukkast med å henta ut gevinstar når me investerar i ny teknologi er at sjølve prosjekta lukkast. Prosjektvegvisaren har som målsetjing å medverke til fleire vellukka prosjekt i offentlege verksemder, gjennom å gjere tilgjengeleg og formidle god praksis for å setje i verk og gjennomføre prosjekt.
Me ynskjer dykk alle eit godt nytt år og håper at video av gevinstrealiseringssesjonen på NOKIOS kan gje inspirasjon og motiverer til fleire vellukka prosjekt i 2012.