Tanken bak å få til felleskomponentar er at offentlege verksemder, trass i at dei arbeider på ulike område og soleis treng ulike IKT-løysingar, òg har samanfallande behov på mange område. Til dømes knytt til behovet for identifiserings- og autentiseringsløysingar, grunndata, skjemamotor osb. Dimed er det tenleg om verksemdene kan gjera bruk av eksisterande løysningar eller utvikla løysningar på ein måte som gjer at dei kan brukast om att sidan av andre verksemder. Dette siste gjev høgare initialinvestering for den aktøren som tek på seg jobben med å utvikla løysinga. For dei hine vert kostnadene lågare. Over tid gjev dette høgare investeringseffektivitet og lågare risiko.
Felles statlege føringar knytte til felleskomponentar
To sentrale felleskomponentar i offentleg sektor er elektronisk identifikasjon (eID) og Altinn. Ved utvikling av nye IKT-system skal alle statlege verksemder ta i bruk fellesløysningar for elektronisk identifikasjon (eID), og Altinn for produksjon og tilgjengeleggjering av elektroniske tenester. Det vert i denne samanhengen vist til rundskriv P 4/2010 om samordning og styring av IKT-relaterte investeringar i staten. Verksemder som framleis vel å nytta eigne eID-løysingar eller som ikkje nyttar Altinn for produksjon av tenester mot publikum og næringsliv, lyt grunngje dette.